2006-mi marlunngornikkut unnukkut ammatitsisarneq

Katersugaasivik januar 2006-miit marlunngornikkut unnukkut takornariarfigisinnaanngorpat.
Katersugaasiviup ammarsarfini ilavai marlunngornikkut unnukkut ammasalerluni nal. 19.00 – 21.00. Marlunngornerit ilaanni immikkut ittunik aaqqissuussisoqartassaaq illoqarfimmi pisunik oqaluttuassartaanillu sammisaqartitsilluni – takukkit ataani nassuiaatit.

Katersugaasiviup neriuutigaa, ammarsarfik nutaaq aqqutigalugu katersugaasivimmi eqqaanilu illoqarfitoqqami pisartut amerlanerulissasut.

 Katersugaasiviup saqqummersitaasa takuniarneqarsinnaasut, silataanilu takusassat saniatigut aamma periarfissaqarpoq katersugaasiviup atuagaateqarfiani Sisimiut Sisimiullu eqqaani oqaluttuartassat, aammalu Kalaallit Nunaatu pillugu oqaluttuartassat atuarnissaat – ataani takujuk Misissuilluni suliaqarnermi periarfissat atortullu.

Illumi Niuertup Illorsuani B-23-mi qaliani takutinneqartarput videot immikkut toqqakkat nunatsinni kulturikkut pisunik oqaluttuartunik imalinnik.

Aasaanerani qaliani naasuusivik silamilu naatsiivik pulaartunut ammasassaaq.

Immikkut aaqqissuussat

21. januar kl. 18.00 – 21.00                                         
Sisimiut Katersugaasiviat unnukkut Kulturisiorfimmi ammassaaq
Katersugaasivimmi takuniarneqarsinnaasut ilaagissavaat Saqqaqkultuuriusimasumi illukumik assersuusiaq, arfanniatoqqat sapangaataannik tuniniaaneq, kiinarpalerluni qitinneq. Aamma takuneqarsinnaavoq katersat katersugaasivimmut tunniunneqaraangata sulisut qanoq ilillutik nalunaarsuisarnersut.

31. januar kl. 19.00 – 20.30 Niuertup Illorsuani qaliani
Amutsiviusimasumi sulisuunikut oqaluttuartinneqartut
Sisimiuni Amutsiviusimasup oqaluttuassartaa atuussimaneralu pillugu immikkut aaqqissuussilluni unnukkut oqaluttuartitsineq. Amutsiviusimasumi sulinikut massakkut soraarnerit peqataatillugit amutsivitoqaq pillugu eqqaamasalikkersaartinneqassapput.
Aaqqissuussineq kalaallisut ingerlanneqassaaq.

11. april kl. 19.00 – 20.30 Saffiorfitoqqami/B-54-mi                        
Qamutit
Kalaallit qamutaat pillugu unnukkut aaqqissuussineq. Sisimiuni peqatigiiffik `Qimusseq` suleqatigalugu qimussertarneq qamutillu oqaluttuassartaat pillugit oqaluttuartitsineq. Pulaarlutik isertut periarfissaqassapput qamutinik naliginnaasunik katiterinissamut qilersuinissamullu.
Aaqqissuussineq kalaallisut qallunaatullu ingerlanneqassaaq.

 25. juli kl. 19.00 – 20.30 Katersugaasivimmi
Illoqarfimmi angallanneqarneq              
Sisimiut Illoqarfiata ukiuni 250-liinissaanut atatillugu katersugaasiviup illoqarfimmi najugaqarfinnut aalajangersimasunut angallassinissaq aaqqissuutissavaa. Angallanneqarnerup nalaani peqataasut illoqarfiup oqaluttuassartaani nutaajunerusumi illulioriaatsinik naliginnaasunik piffissani aalajangersimasuninngaanneersunik oqaluttuunneqassappput.
Aaqqissuussineq kalaallisut qallunaatullu ingerlanneqassaq.

10. oktober kl. 19.00 – 20.30 Niuertup Illorsuani qaliani                
Arnat sulisartut
Illoqarfimmi suliffissuaqarfiusumi, aalisarfiusumilu Sisimiunitut ittumi, arnarpassuit kinguaariiaallutik inuutissarsiornerup ineriartornerani eqeersimaarlutik suliffeqarlutik peqataasimapput. Minnerunngitsumik fabrikimi sulisartutut.
Sisimiut Katersugaasiviata unnummi tassani pingaartumik sammissavaa arnat sulisarsimasut aammalu ilaatigut filmi `Sisimiuni Arnat sulisartut` takutittassallugu.
 

Allanngortitsisoqarsinnaavoq.