Illuutit
		B-3: B-3 niuertup illorsua 1752-mi napparneqarsimavoq. Napparneqarnerminiit niuertup illorsua, niuertuusarsimasut Qasigiannguani illorsuarisarsimavaat 1955-mi KGH-p allaffiatut atulernissaa tikillugu. 1984-milu Katersugaasivittut pisortatigoortumik atoqqaarfissiortinneqarpoq Qasigiannguit 250-liineranut atatillugu.
			Mini café: Mini Café B-3-mi 1999 aasaagaa atortinneqalerpoq, kaffi, the saft-ilu pisiarineqarsinnaallutik. Kioski siorngatigulli katersugaasiveqalermalli annertusiartuaarsimasoq ineriartuaarsinnarpoq. Illoqarfimmi avataaniillu assassugarpassuit pisiassaapput tunissutissaqqittut tammaviuttussaqqittullu.
		B-4: Pisiniarfitoqaq B-4 Poul Egede-p illua 25.juli 1734 K'asigiánguit tunngavilerneqarneranut atatillugu napparneqarsimavoq. Saqqarsarnertarneralu pillugu illukumiit massakkut inigisaanut nuunneqarsimavoq 1806-mi. B-4pisiniarfittut atortuareersimalluni 1997-mi ukiut arlariit nutartereersimalluni pisortatigoortumik atoqqaartinneqarpoq. Ataavartumillu saqqummersinneqarpoq Qeqertasussuk-miit nassaat sermip qeriuaannartup aatsissimanngisai.
			B-8: B-8 1942-mi sanaajusimasoq KGH-p allaffigisimavaa, telegrafisteqarfiusimallunilu 1955 tikillugu. 1983-lu tikillugu atorfillit illugisimavaat katersugaasivittut atulernissaa tikillugu. Saqqummersitat ingerlaartut assigiinngittut ukiup ingerlanerani takuneqarsinnaapput. Nivinngaavinni takuneqarsinnaapput sorliit saqqummersinneqarnersut.
		Illunnguaq: Illunnguaq qammagaq inuusuttuniit sunngiffimmi susassaqartitsivimmiit "Aningaaq"-miit Aqqaluartaaq Thorin siuttuulluni Jens Josenius-ilu siunnersortaalluni sananeqarpoq. Illunnguaq sananeqareerluni katersugaasivimmut tunniunneqarpoq Qasigiannguani kultur-uge-qarneranut atatillugu. Illunnguup qammakkap kalaallit angerlarsimaffigisimasaat sorsunnersuup kingulliup siorngatigoortutuut sananeqarsimavoq. Illunnguami unnuisinnaanermut paasisaqarusukkuit, iserfigisinnaasat assigiinngitsut akornanni "Sammisat" alakkaruk...!!!
			B-186: Piniartukkormiut illuat 1950-kkorneersoq. Illu sananeqarsimavoq 1948-mi, qaliaqarluni pingasunillu queqarsimalluni. Illut taamaattut 1940-kut naalerneranni landskarsimit atorluni namiineerluni illuliarineqartarput tassalu tamakkuupput illunut issunik qarmalinnut ilaatigut qaliaqartunut taartaasimasut. Assiliarineqakkajupput iluartut assingi biibilimeersut allallu aviisineersut nipitissuunneqarsimasartut.
Illumi najugaqakkajuttarput kinguaariit pingasut angullugit, tamannalu 1960-kut. Pequsersugaanerat tassaasarpoq iggavimmi nerriviusaq, illullu pissarissaarnerusut pigisaat issiavinnik "issiavissuarnik" ilaatigut pisataqarsinnaasarput, nalinginnaaneruvorli pisatarineqartarlutik illerfiit nammineq sanaajugajuttut, kiisalu nerriviit portusuut issiaviillu. Raadiut pisoqqat qaqutigoortuupput, takussaasarpulli raadiut batteriitortut piniartukkormiuni pigissaarnerusuni ilaatigullu nalunaaqutarsuit issartullit ingerlalernerannut nalinginnaasuusimalluni. Illu najorneqarsimavoq piniartumik Isak Lange-mit nulianillu Tina Lange-mit. Ilaqutaanillu 1970-kut ingerlanerannut, illu taamanikkumut naleqqiullugu sanalluagaallunilu peqqissaarulluagaarpasilluni. Illup angissusia 41,4 m2-voq, qisummik sanaajulluni, toqqavialu ujaqqanik cementimillu sanaajulluni.
				© Webmaster Kristian Andersen Sisimiut Katersugaasiviat. Sidste opdateret: Juli 16, 2001