|
Oqaluttuarisaaneq
|
||||
 |
|
|||
|
Qasigiannguit oqaluttuarisaanerat
naatsumik.
Siullermik illoqarfiup ateqaataa nassuialaassavarput; Qasigiannguit puisit ilaat qasigiaq ateqaatigaa, tassa qangaanerusoq qasigiaqarfiusimammat illoqarfitta umiarsualivia. Qasigiannguit Kalaallit Nunaata avannaani Qeqertarsuup tunuani kangerliumarnersuup qinnguaniippoq. Qasigiannguit illoqarfiuvoq Kalaallit Nunaata kitaani, illoqarfiit pisoqaanersaata tullia 1734-mi tunngavilerneqarsimasoq, taamaattumik annertuumik oqaluttuassartaqarpoq. Qasigiannguit eqqaat ukiut 4500-t sioqqullugit inunnik najugaqarfigineqarsimavoq. Tassa Saqqaq-kultur-imeersut Qeqertasussummi nassaat tupinnarluinnartut Qasigiannguit Katersugaasivianni, Poul Egede-p illuani pisiniarfitoqqamittaaq taaneqartartumi, nunatsinni illuni qisuusuni pisoqaanersaasumi takuneqarsinnaapput. |
||||
|
Qasigiannguit kommuniani pinngortitaq
kusanangaartoq takornarianut periarfissarissaartuuvoq aasami ukiumilu
nunakkut immakkullu angallavigissallugu. Aammalu atuakkiortoqarsimavoq
Qasigiannguit eqqaani pisuffissat pillugit, kusanarluinnartumik.
"Vandringer syd for Jakobshavn isfjord".
Qasigiannguit illoqarfiuvoq kusanartoq eqqissisimanartoq, taamaattumik tikeraanik takornarianillu nuannarineqarluartoq. Qasigiannguit inui inussiarnersuupput ikinngutinnersuullutillu, taamaattumik Qasigiannguanut tikerernissarnut takornariarnissarnullu tikilluaqqungaarpatsigit. |
||||
|
||||
|
© Webmaster Kristian
Andersen Sisimiut Katersugaasiviat.
Sidste opdateret: Juli 16, 2001 |
||||