B-3-mi saqqummersitsivik English Dansk Kalaallisut Saqqaa Illuutit Eqqaassutissat Saqqummersitat Sulisut Oqaluttuarisaaneq Sammisat

Saqqummersitat
Qasigiannguit katersugaasiviani saqqummersitat:
Qasigiannguit Katersugaasiviat illuuteqarpoq 5-nik, saqqummersitanik assigiinngittunik takusassiiffigineqarsinnaasunik. Ukuuppullu B-3 (niuertup illorsuatoqaa), B-4 (Poul Egede-p illua) B-8, B-186 (piniartukkormiut angerlarsimaffitoqaat 1940-kkunneersoq) Aammalu illunnguaq qammagaq.
B-3:
B-3-mi saqqummersitat ataavartuni ilaatigut takuneqarsinnaapput siulitta inuuniarnerminni atortorisimasaat, sakkui, atisaat ilailu ilanngulugit. Annertunngitsumillu timmissat issittormiut kivigaaluit ilailu ilanngulugit. Arnat atisaat kitaaneersut avanersuarmiillu takuneqarsinnaapput. Qasigiannguit oqaluttuassartaata ilamernga takuneqarsinnaavoq. allaffik, kioski kaffisorniartarfeerannguarlu B-3-mittaaq inisseqqapput. Kioskimi atuakkat, tammaviuttussiat,
sanalukkat, amermik sapakkanillu mersukkat, postkort-it allarpassuillu pisiarineqarsinnaapput.

B-4:
B-4 (Poul Egede-p illua) Kalaallit nunaanni illut pisoqaanersat tulleraat 1734-meersoq. Illu quassuttuunik sanaajusoq kusanartorsuaq piffissaq sivisungaatsiartoq atorlugu nutarterneqareerluni pisortatigoortumik ammarneqarpoq 1997-mi, illoqarfiup kulturuge-qarneranut atatillugu.

B-4-llu iluani pulaartunit takuneqarsinnaapput saqqummersitat ataavartut tupinnaannartut nunaqarfiusimasumiit Qeqertasussummeersut, Akulliit kujataaneersut. Nunaqarfiusimasoq Saqqaq-kulturimeersuuvoq ukiunik 4500-nik pisoqaassusilimminngaanneersoq, kitaanilu inunnik siullerpaajusimasunik nunassisimasunik takussusiisuusut.
Aattakuni kilitani qaleriiaarnilinni ilaatigut nassaanik aaneqanngittunik nassaarfiusimasoq takuneqarsinnaavoq.


Saviit killiaasut qisunnik ipullit aaneqanngilluinnartut, tuukkat saanernik sanaat, meqqutit timmissat saarnginik sanaat.



Silarsuarmi kamiit pisoqaanersaat



Saqqummersitani najugaqarfiusimasup naqqup qeqqa sanaqqitaq.
B-8:
B-8-mi saqqummersitat ingerlaartut ukiup ingerlanerani allanngorartut saqqummersinneqartarput avataaneersut. Ilaatigut innuttaasut nammineerlutik peqataaffigisinnaasaannik saqqummersitsinerit ingerlanneqartarlutik, soorlu ilaatigut påske-mi saqqummersitsinerit ilaailu ilanngullugit.
Illunnguaq:
 Qasigiannguit kulturuge-siornerannut atatillugu 1997-mi, Qasigiannguit Katersugaasiviat inuusuttunit "Kissaviarsuk"-meersunit fritidsklub-pi "aningaaq"-meersunit "Illunnguaq" qammakkamik tunineqarsimavoq. Inuusuttut nammineerlutik piumassusertik atorlugu "illunnguaq" qammagaq sanasimavaat ilaatigut Jens Josenius siunnersortigalugu ikiortigalugulu.

"Illunnguaq" pisatsersorneqarsimavoq katersugaasivimmit, ilaatigut utoqqaat illuarmiut utoqqaat peqatigiiffianniit Arnat peqatigiiffianniillu ikiorteqarluni. Pisatsersornerlu sorsunnersuup kingulliup sioqqullugutuut pisatsersorneqarsimavoq.

"Illunnguaq" nunaqqataasunit nuannaarutaallunilu usorsisimaarutigineqarpoq taamalu nunaqqataasunit nunarsuarmioqatitsinnullu nittarsaanneqarsinnaalersimavoq siulitta ilaatigut angerlarsimaffigisimasaat. Katersugaasivimmullu saaffiginninnikkut unnuisoqarsinnaavoq ilaatigut.
Saqqaa Illuutit Eqqaassutissat Saqqummersitat Sulisut Oqaluttuarisaaneq Sammisat

© Webmaster Kristian Andersen Sisimiut Katersugaasiviat.
Sidste opdateret: Juli 16, 2001
B-3-mi saqqummersitsivik B-4-mi saqqummersitsivik B-3-mi Kioski Savik
B-3-mi saqqummersitsivik Illunnguaq aasami Silarsuarmi kamiit pisoqaanersaat Naqqup qeqqa sanaqqitaq B-8-mi saqqummersitsivik Illunnguup ilua Illunnguaq ukiukkut